صندوق النذور كلمات للشاعر نصر الدشناوي

Advertisement

بقلم نصر الدشناوي

البنت كوثر بنت سوكة جاية تحلم بالامانى

واقفة جمب صندوق نذور وتقول كلام ملهوش معانى

وكلامها كان عالى وجرئ

عايزة عريس ويكون عسل

ويلف بيا فى البلد

ونروح باريس علشان نعيش شهر العسل

ندرٍ عليا لما اتخطب

لارقص واخلى فرحى يهيص

وانا هاجيب الدبلتين

والبنت لوزة بنت موزة جاية طمعانة فى ولد

وتقول ياربى لو كرمنى هارمى فى الصندوق 200

اما بقى ولو جات صبيه هاحط 100 اجيب منين

اما سعاد بنت اعتماد جاية لينجح ابنها

وكأنها

مش عارفه انه حمار وبقرة ونعجتين

طالع لابوه اومال هيطلع فيه لمين

اما هيام بنت ابتسام

جاية تشكى حظها وتقول اشوف بنتى عروسة

وحتى ادفع مهرها

كل البنات اجوزوا كل اللى كانوا فعمرها

يارب عدلها عليها وهدى ليها سرها