ألادب والشعر
” الحرم ” قصيدة للشاعر أحمد شابون
بقلم : أحمد شابون
مشتاق انا والنبي للقعدة ف الحرم
دا كل غايتي ومطلبي ابوس توب الحرم
تنزل دموعي وحدها تغسل همومي كلها
واتوه وسط الزحام ويرفرف فوق الحمام
ويطيب قلبي م الألم
ما بين الصفا والمروة
قلبي عمال بيرعى
ومن زمزم بيروى
اعطش وأقول تاني
يا توهة وخداني
نفسي اغمض عينى
والاقي نفسي ف الحرم
نفسي ف ركعتين وانا صايم
نفسي ف دعوتين الفجر وانا هايم
نفسي ف ليلة القدر
يا نبينا الزين يا بدر
امتك تاه منها الصبر
والكل اتظلم
اشفع لنا يا نبينا
تاهت خطاوينا
وان كنا ضالينا
اجمعنا ف الحرم
تعليق واحد